خطير هذا لماذا يموت العديد من الأشخاص بسبب الشوفو سخان الماء

#الشُّوفُو_القْتّالْ

الناس لي كيموتوا بالشوفو دالحمام بالمئات كل سنة في المغرب, وحنا كنتوصلوا فالميديا بعشرات الحالات منها …

راه واحد المغالطة كبيرة منتشرة في هاد الموضوع واللي هي أن الأغلبية دالناس كتظن أن السبب هو تسرب الغاز مع الماء.

أولا ماشي تسرب الغاز د البوطة مع الما لي كيقتل وهذا خطأ شائع, لأن الشركات دقنينات الغاز عاملة لهاد الغاز رائحة تُميزه عن باقي الغازات وبالتالي عند حدوث تسرب, الإنسان سيشُم الغاز ويفطن، زائد هو ماكيخنقش غير كيشتعل.

لا شك أننا جميعا لاحظنا أن كل الوفيات بعلاقة مع الشوفو كتكون في فصل الشتاء وحده رغم اننا كاملين كنخدموه في باقي الفصول. علاش ؟؟

الشوفو كتكون فيه واحد الفلام صغيرة شاعلة.. ديك الفلام ضروري ما خاصها الاوكسجين باش تعمل إحتراق كامل..

والانسان فاش كيكون عامل الشوفو فوسط الدار وكيكون فصل الشتاء.. كيكونوا الشراجم ومنافد دخول هواء جديد للدار مشدودة لأنه كاين البرد.. نسبة الأوكسجين اللي فالدار كتكون ثابثة وفاش كتشعل نتا الشوفو, ديك الفلام ديالو كتبدا تكونصومي من ديك 21% دالاوكسجين حتا كتقل النسبة بزاف, وهنا ديك الفلام مكتطفاش ولكن كدوز تدير عملية اخرى وهي الاحتراق الغير الكامل مع غاز ثنائي اوكسيد الكاربون وهاد الاحتراق الغير الكامل هو لي كيعطينا الغاز السام احادي أوكسيد الكاربون اللي ماعندو لا لون لا رائحة لكنه غاز سام ويقتل بسرعة..

ولتفادي هاد الامر ركب الشوفو فشي بالكون ولا قدام الشرجم وفاش تبغي تدوش خلي شي شرجم محلول فالدار منين يدخل شوية دالاوكسجين.. والحمام لي كتدوش فيه ضروري تكون فيه شي فتحة د التهوية ولا شرجم وخا غير صغير.

وشكرا لمن حاول مشاركة المنشور ليستفيد الاَخرون….

وبالخصصص فصل الشتاء على الأبواب…. #CB

نعم صحيح لان الكاربون(c) يحتاج الا (O2) لكي تتم عملية الاحتراق كاملة (CO2)،ولكن عندما تكون نسبة الاكسجين قليلة يتكون فقط على صيغة (CO) ويصبح الاحتراق غير كامل اي جزئي وهو ما ينتج عنه بما يسمى مونو كسيد دوكاربون( الاحتراق غير تام للكربون) وهدا الأخير غاز قاتل ولو بكمية جد قليلة.

صدقا.. واحنا من زمان كانسمعو بلي شوفو كاببغي شي مكان مهوي مايدارش فالدوش إلى كان طواليت زايد فالدار تحطو فيه ولا كيفما ذكرتي فالبالكو ولا مكان كايوصلو الريح
وفالاخير لن يصيبنا إلا ما كتب الله لنا

ولاكن رغم اسخان يكون في مكان بعيد عن الحمام فالمنزل لمذا يصاب المستحم بالاختناق والبقية الدين يكونون فالمنزل لايتاترون

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق

أنت تستخدم إضافة Adblock

هذا المتصفح الذي تستعمله بهاتفك يمنع ظهور هذه الصفحة، قم بنسخ رابط هذه الصفحة في متصفح أخر مثل جوجل كروم Google Chrome أو Firefox