كيفية رفع عدد زوار الموقع الخاص بي بشكل كبير وقانوني من 10000 زيارة الى 55000 زيارة

الصعود من 10000 زائر يومي إلى 55000 زائر يومي في خلال شهرين فقط!!

بعد مرور حوالي شهر ونص على آخر شرح نزلته عبر صفحتي في الفيسبوك وتقريباً كده محدش خد باله منه أو إداله أي إهتمام بس هرجع تاني أفكركم بيه علشان أساعدكم وتستفادوا..

الحمد لله “نجاح ساحق” بعد الإهتمام بمدة بقاء الزائر في صفحات الموقع وصعود من 10 آلاف زائر في بداية أكتوبر 2019 ثم إلى 20 ألف مع بداية نوفمبر 2019 ثم إلى 55 ألف زائر يومي في نهاية ديسمبر 2019

مع العلم إن محتوى الموقع “عام”

نزلت قبل كده وشرحت إن من أهم أسباب نجاح موقعك وتصدره في نتائج البحث والإستمرار الدائم في التصدر هو الاهتمام والعمل على زيادة “متوسط مدة الجلسة” ده طبعاً بالإضافة لبعض النقاط التانية والأساسية زي المحتوى الحصري وسرعة الموقع.

وهذا مضمون الشرح الذي نزلته قبل كده بالتفصيل..

كيف ترفع عدد زوار موقعك وتتصدر البحث في محرك جوجل

تريد أن تتصدر في البحث في محركات البحث مثل جوجل؟!.. يبقى اقرأ البوست للآخر وسيب تعليقك

للتشجيع وإفادة غيرك وعلشان أنزلكم شروحات باستمرار 😅😃

اشتغل وطور من محتواك لحد ما ترفع معدل متوسط مدة الجلسة في موقعك لكي يبقى مثل الذي في الصورة وستجد موقعك متصدر في وقت قليل..

ماذا تعني “متوسط مدة الجلسة” وما أهمية إني أرفعها أزودها؟!

هو إجمالي المدة الزمنية لجميع الجلسات (بالثواني) مقسوماً على عدد الجلسات

ومعناه أن الزائر تصفح موقعك في دقيقة، وواحد تاني تصفحه في دقيقتين وثالث في 10 دقايق ورابع في 7 دقايق وخامس في 50 ثانية (إلخ إلخ).. مقسوم على عدد الجلسات الإجمالية للموقع كله في اليوم.

يعني لو إفترضنا أن عدد زيارات صفحات موقعك (الجلسات) 10000 يومياً، كيف يتم حساب معدل الجلسات في الموقع، يبقى بتتحسب إزاي؟

حاليا جوجل من خلال العناكب الخاصة بيها وكود أناليتكس اللي مركبه في موقعك يمكنه أن يعرف كل زائر دخل موقعك قعد وقت قد ايه، فيقوم بجمع الوقت الخاص بكل الزوار  وليكن مثلاً إجمالي المدة اللي قعدوها في موقعك هي 200 ساعة

الحسبة بقى كالتالي:

200 ساعة مضروبة في 60 دقيقة = 12000 دقيقة

12000 دقيقة مضروبة في 60 ثانية = 720000 ثانية

نرجع تاني نقسم بقى 720000 ثانية / عدد جلسات موقعك اللي هيا 10000 = 72 ثانية

يبقى كده متوسط مدة الجلسة لكل زائر تساوي 72 ثانية (1.2 دقيقة).

طيب لو طبقنا الخطوات اللي في البوست ده ومتوسط مدة الجلسة زادت من 1.2 دقيقة لـ 1.5 دقيقة.. يبقى كده بالتالي زودنا المدة الإجمالية لبقاء الزوار للموقع كله من 200 ساعة لـ 250 ساعة في اليوم

كده عرفنا وشرحنا بالتفصيل إيه هيا متوسط مدة الجلسة.

إيه بقى أهمية وضرورة إني أرفع متوسط مدة الجلسة؟؟

“الفكرة إن طول ما الزائر بيقعد في موقعك فترة كبيرة كل ما ده كان مفيد جداً ليك وهيقلل معدل الإرتداد وبيرفع من نتائج موقعك في البحث مع الوقت”.

إزاي أخلي الزائر يقعد في موقعي وقت كتير؟

  1.  الإهتمام بشكل وسرعة الموقع وتقليل عدد الوحدات الإعلانية والإبتعاد تماماً عن شركات الإعلانات المزعجة.
  2. التركيز على المحتوى الشيق والجاذب للزوار.
  3. ربط محتوى الموقع ببعضه عن طريق تركيب وتفعيل إضافات في صفحة المقالة مثل “مقالات ذات صلة (والأفضل تغيير إسمها لـ زوارنا شاهدوا أيضاً لجذب الإنتباه) – أو مقالات من نفس القسم – أو جديد الموقع – أو مقالات لنفس الكاتب”.
  4. زيادة عدد كلمات المقالة بحيث لا تقل عن 700 لـ 1000 كلمة مع الإهتمام بتنسيق شكل المقالة بإضافة الفقرات والخطوات وخلافه وإضافة صور للمقالة.
  5. من أهم النقاط.. ضروري جداً إضافة فيديوهات مدتها طويلة في المقالات تكون بتتكلم عن مضمون أو محتوى المقالة (مثل الشروحات ووصفات الأكل والأهداف وملخص المباريات، وفيديوهات الأحداث المهمة والأخبار).
  6. إضافة مقالات بصورة مستمرة ويومية مع العمل على تحديث المقالات القديمة بإستمرار بإضافة محتوى جديد ليها وتغذيتها بصور وفيديوهات.

ملحوظة: محتوى الموقع اللي في الصورة “عام” مش متخصص في نيتش محدد.

وأي استفسار تاني تحت أمركم.. في التعليقات

#SEO #Google #Marketing

رفع زيارات البحث موقع الأنترنت جوجل

 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق

أنت تستخدم إضافة Adblock

هذا المتصفح الذي تستعمله بهاتفك يمنع ظهور هذه الصفحة، قم بنسخ رابط هذه الصفحة في متصفح أخر مثل جوجل كروم Google Chrome أو Firefox